07 мар 19:16
Янгиликлар

Теннис

Свитолина Индиан-Уэллсдаги илк рақибасини билиб олди

Дунёнинг олтинчи ракеткаси Элина Свитолина АҚШнинг Индиан-Уэллс шаҳрида ўтказилаётган турнирдаги иштирокини иккинчи даврадан бошлайди.

Украиналик теннис маликаси бу босқичда америкалик София Кенинга қарши кортга чиқади. Кенин биринчи даврда хитойлик Ван Ифандан устун келди.

София ўтган ҳафта Акапулькода ўтган мусобақанинг финалида айнан Ванга имкониятни бой бериб қўйган эди. Кенин WTA рейтингида 33-ўринни эгаллаб турибди.