Свитолина мавсумдаги илк расмий учрашувини ўтказди

Сайёрамизнинг бешинчи рақамли теннис маликаси Элина Свитолина мавсумдаги илк учрашувини америкалик Жессика Пегулага қарши ўтказди. Бир соату 23 дақиқа давом этган баҳсда украиналик теннисчи рейтингнинг 63-поғонасидан жой олиб турган рақибасини 6/4, 6/3 ҳисобларида мағлубиятга учратди.

Ҳар икки теннисчи ҳам 26 ёшда бўлиб, Свитолина 2 та, Пегула 3 та эйс зарбасини амалга оширди. Бу теннисчиларнинг ўзаро ўтказган илк учрашуви эди. Энди Элина Абу-Даби турнирининг иккинчи даврасида россиялик Вера Звонарёва ёки франциялик Амандин Хессега қарши кортга чиқади.