Свитолина Страсбургда Соболенкони "синдирди"

Сайёрамизнинг бешинчи рақамли теннис маликаси Элина Свитолина мусобақанинг финалига йўл олди. Украиналик теннисчи 1 соату 54 дақиқа давом этган ярим финал учрашувида рейтингнинг 12-поғонасида бораётган беларуслик Арина Соболенкони мағлуб этди - 6/2, 4/6, 6/4.

Баҳс давомида 26 ёшли Свитолина 1 та, 22 яшар Соболенко эса 2 та эйс зарбани амалга оширди. Теннисчиларнинг ўзаро учрашувларидаги ҳисоб мувозанати тикланди - 1:1. Элина бош соврин учун кечадиган баҳсда қозоғистонлик Елена Рибакинага қарши кортга чиқади.