23 окт 10:44
Янгиликлар

Теннис

Swiss Indoors Basel. Циципас ўзидан 10 ёш катта теннисчини мағлуб этди

Грециялик истеъдодли теннисчи Стефанос Циципас Швейцариянинг Базель шаҳрида ўтказилаётган турнирдаги иштирокини ғалаба билан бошлади.

Циципас 1 соату 33 дақиқа давом этган илк давра учрашувида испаниялик Альберт Рамосни мағлуб этди - 6/3, 7/6(6). 21 ёшли Стефанос АТР рейтингида 7-ўринни эгаллаб турибди. 31 ёшли Рамос эса 42-поғонадан жой олган.

Грециялик теннисчи ўзаро учрашувларда 2:0 ҳисобида олдинга чиқиб олди. Циципас Swiss Indoors Basel турнирининг иккинчи босқичида литвалик Ричардас Беранкис ҳамда испаниялик Пабло Андухар учрашуви ғолибига қарши кортга чиқади.