09 июл 13:20
Янгиликлар

Таэквондо

Таэквондо терма жамоамиз аралаш жамоавий жуфтликда Жаҳон кубоги ғолибига айланди

Бугун Корея Республикасининг Чунчеон шаҳри мезбонлик қилаётган "Жаҳон кубоги жамоавий чемпионатлари серияси" мусобақаси доирасида аралаш жуфтлик йўналишидаги беллашувлар ташкил этилди.

Унда Ўзбекистон миллий терма жамоаси аъзолари ҳам иштирок этди. Баҳсларда юртимиз шарафини Исломбек Ражабов (68 кг), Шуҳрат Салаев (87 кг), Мадина Мирабзалова (57 кг) ва Диёра Азизова (62 кг) ҳимоя қилди.

Зайнобиддин Назаралиев шогирдлари дастлабки босқичда қўшни Қозоғистон термасини 2:1, ярим финал босқичида мезбон Корея Республикаси вакилларини 2:0 ҳисобида таслим этишди.

Ҳал қилувчи беллашувда эса юртдошларимиз Марокаш терма жамоасини 2:0 ҳисобида доғда қолдириб, мусобақа ғолибига айланишди.