22 мар 10:22
Янгиликлар

Бокс/ММА

Тагир Уланбековнинг навбатдаги рақиби ва жанг санаси маълум

Ўта енгил вазн тоифасида россиялик UFC жангчиси Тагир Уланбековнинг (16-2-0) кейинги жангига оид тафсилотлар маълум бўлди.

32 ёшли Тагир навбатдаги жангини 15 июнь куни Лас-Вегасда (АҚШ) ташкил этиладиган UFC Fight Night турнири доирасида ўтказади. Рейтингнинг ўн иккинчи поғонасидаги Уланбековга ўша куни саккизинчи ўриндаги америкалик Алекс Перес рақиблик қилади.

Эслатиб ўтамиз, Тагир Уланбеков сўнгги жангини 2023 йил декабрь ойида Коди Дерденга қарши ўтказиб, иккинчи раундда сабмишен орқали ғалаба қозонган эди. Алекс Перес эса охирги жангини 2 март куни Муҳаммад Мокаевга қарши ўтказиб, очколар ҳисобига кўра мағлуб бўлган.