12 фев 15:14
Янгиликлар

Олимпия ўйинлари, Қишки спорт турлари

Тажрибали Йоханнес Бё Олимпиада чемпиони бўлди

Хитойда давом этаётган Қишки Олимпиадада навбатдаги медаллар жамланмаси ўз эгаларини топди.

Бироз аввал биатлон бўйича эркаклар ўртасидаги спринт баҳслари якунига етди. Норвегиялик тажрибали биатлончи Йоханнес Бё энг яхши кўрсаткич билан Олимпиада чемпиони бўлди. У ўқ отиш майдончасида битта хатога йўл қўйган.

Ўн километр масофага ўтказилган спринт баҳсида кумуш медаль франциялик Кентент Фийон Майега насиб этган бўлса, совриндорлар учлигини норвегиялик Тарьей Бё якунлаб берди.

Биатлон. Спринт, 10 км. Эркаклар.

1. Йоханнес Бё (Норвегия) – 24.00,04 (ўқ отишда 1 та хато)

2. Кентен Фийон Майе (Франция) – пешқадамдан ортда қолиш +25,5 (1 та хато)

3. Тарьей Бё (Норвегия) ортда қолиш+38,9 (1 та хато)