19 авг 15:47
Янгиликлар

Велоспорт

Танзила Нарбаева Қозоғистон Президенти томонидан мукофотланди

Олий Мажлиси Сенати ҳамда Ўзбекистон велосипед спорти федерацияси раиси Танзила Нарбаева бошчилигидаги парламент делегацияси расмий ташриф билан Қозоғистонда бўлиб турибди.

Ташриф доирасида Қозоғистон Парламенти Сенати раиси Маулен Ашимбаев ва Парламенти Мажлиси раиси Ерлан Кошанов билан учрашувлар ўтказган Танзила Нарбаева Қозоғистон Президенти қабулида ҳам бўлди.

Суҳбат чоғида парламентлараро алоқаларни ривожлантириш контекстида Қозоғистон-Ўзбекистон стратегик шериклик ва иттифоқчиликнинг долзарб масалалари муҳокама қилинди. Қосим-Жомарт Тўқаев Танзила Нарбаеванинг икки халқ ўртасидаги дўстлик ва яхши қўшничилик ришталарини мустаҳкамлашга қўшган шахсий ҳиссасини юқори баҳолади ҳамда икки томонлама стратегик ҳамкорликни чуқурлаштириш йўлидаги саъй-ҳаракатлари учун уни 2-даражали "Дўстлик" ордени билан тақдирлади.