Тарихда илк бор ўтказиладиган "Стероидли Олимпиада ўйинлари" — блогер нигоҳида

Шу ҳақида 5 йил олдин пост ёзгандим. Бу энди ҳақиқатга айланяпти. Шу йилнинг май ойида ғалати спорт мусобақаси бўлиб ўтади.

Так вот, май ойида PayPal ҳаммуассиси Питер Тил томонидан молиялаштирилган Enhanced Games (Кенгайтирилган имкониятлар ўйинлари) бўлиб ўтади. Ушбу мусобақа Олимпиада ўйинларига муқобил сифатида тақдим этилмоқда ва спортчиларга стероидлар, допинг, пептидлар ҳамда ген терапиясини ўз ичига олган биологик имкониятларни оширувчи препаратлардан очиқчасига фойдаланишга рухсат беради.

Ўйинларда фармакологиядан ташқари, махсус сузиш кийимлари, ўзгача пойабзаллар ва юқори технологияли протезли спортчиларнинг иштироки каби янги технологияларга ҳам рухсат этилади.

Фақат сайёрамизнинг энг тезкор, энг кучли ва оптималлаштирилган инсонларигина инсон танаси имкониятлари чегарасини кенгайтиради.

Спортчилар қабул қиладиган барча моддаларни олдиндан ва шаффоф тарзда маълум қилишлари шарт. Ҳар бир иштирокчи мусобақа олдидан қатъий тиббий кўрикдан ўтиши керак. Бутун жараённи 2 та мустақил тиббий комиссия назорат қилади.

Тарихдаги илк Enhanced Games мусобақаси 2026 йилнинг 21 майидан 24 майигача Лас-Вегасдаги Resorts World мажмуасининг махсус қурилган аренасида бўлиб ўтади. 

Дебют беллашувларда сузиш, енгил ва оғир атлетика бўйича 50 нафар спортчи қатнашади. Ташкилотчилар жаҳон рекордини ўрнатган спортчига 1 миллион доллар мукофот таклиф қилмоқда, 24 май куни ёпилиш маросимида эса The Killers рок гуруҳи чиқиш қилади.

Enhanced Games замирида айни пайтда тиббиётни тубдан ўзгартираётган ва дунёнинг барча етакчи спортчилари фаол қўллаётган илмий ютуқлар ётади: булар пептидлар, гормонал оптималлаштириш, генлар экспрессиясини бошқариш, реабилитация вақтини бир неча баробар қисқартирадиган тикланиш протоколларидир. 

Буни хозирги "қонуний" мусобақалардан фарқи шундаки, Enhanced Games’да ҳеч ким ҳеч нарсани яширмайди, аксинча, буни очиқ намойиш этади. Так вижу.

Нурбек Алимов - блогер.