23 сен 09:17
Янгиликлар

Теннис

Tashkent Open. Бугун асосий тўр баҳслари старт олади. Бизникилардан Сабина бошлаб беради

Бироздан сўнг пойтахтимизда теннис бўйича соврин жамғармаси 250 000 АҚШ долларини ташкил қилувчи WTA турнирининг асосий тўр баҳсларига старт берилади.

Дунё рейтингида 53-ўринни эгаллаб турган словакиялик Виктория Кузьмова Tashkent Open турнирининг биринчи рақамли теннисчиси сифатида сараланган. У илк даврада америкалик Франческа Ди Лоренцога қарши кортга чиқади.

Асосий тўр баҳсларида ўзбекистонлик уч нафар теннисчи имтиёзли йўлланма асосида иштирок этади. Бугун биринчи ракеткамиз Сабина Шарипова биринчи босқичда черногориялик Данка Ковиничга қарши кортга чиқади.

Таққослаш учун, Сабина WTA рейтингида 299, Данка эса 120-поғонадан жой олган. Теннисчилар ўзаро бир маротаба тўқнаш келишган. 2018 йили Хитойдаги турнир доирасида ўтказилган ўша учрашувда Ковинич ғалаба қозонган эди. Шарипова - Ковинич баҳси соат 11:30дан кейин бошланади.