Tata Steel Chess India. Карлсен чемпион бўлган рапид баҳсларида Абдусатторов нечанчи ўринни эгаллади?

Ўз тарихида олтинчи бор ўтказилаётган нуфузли мусобақанинг мукофот жамғармаси 41 500 АҚШ долларини ташкил этади. Кеча турнир 9 турдан иборат рапид баҳслари якунланди. Турнирни мағлубиятсиз (6 ғалаба, 3 дуранг) якунлаган жаҳон рейтинги пешқадами Магнус Карлсен 7,5 очко билан рапид баҳслари ғолибига айланди. У сўнгги 9-турда ҳамюртимиз Нодирбек Абдусатторовга қарши баҳсда мағлубиятдан қутулиб қолди ва дурангга эришди. 

Биринчи кунги баҳслардан сўнг пешқадам бўлиб олган Абдусатторов иккинчи кунги партияларда ҳам ёмон ўтказмади. Аммо сўнгги учинчи кунги учрашувларда у 2 мағлубият қабул қилиб олди. Бунинг натижасида Нодирбек 9 имкониятдан 5 очко тўплаб, 4-ўринни эгаллади. Прагнанандҳа ва Уэсли Со 5,5 очко билан кучли учликка якун ясаган.