Таътилдаги чемпион Хабибни октагонга чорлади

Америкалик спортчи кеча UFC 229 шоуси доирасида иккинчи раунддаёқ Энтони Петтис устидан чиройли ғалабага эришганди. Энди у ўз чемпионлик камарини Хабиб Нурмагомедовдан қайтариб олишни хоҳламоқда. 

“Ҳақиқий чемпион менман, тушуняпсизларми? Мен чемпион эдим ва шундай бўлиб қоламан. Бу икки аҳмоқ, яъни Конор ва Хабиб UFCни шарманда қилмоқда. Мен спортимизни тозаламоқчиман. UFC олимпия даражасидаги спорт тури ҳисобланади. 

Хабиб, кел бешинчи маротаба ўзаро жангимизни ташкил қилиш учун уриниб кўрамиз. Бундан аввалги уринишларнинг бари омадсиз якунланганди. Бу сафар ҳаммаси бошқача бўлиши керак. Бу жангнинг ўтказилишини мен ва мухлислар исташяпти. Ҳамма гап сенинг ўзингда қолди”, - деди Фергюсон.