16 апр 17:34
Янгиликлар

Гимнастика

Тахмина Икромова Жаҳон кубоги олтин медалини қўлга киритди

Теглар : Бадиий гимнастика Тахмина Икромова

Хабарингиз бор, шу кунларда пойтахтимиз гимнастика бўйича нуфузли Жаҳон кубогига мезбонлик қилмоқда.

Бугун мусобақанинг иккинчи куни бўлиб, гимнастикачилар кўпкураш баҳсларида совринли ўринлар учун кураш олиб боришди.

Қувонарлиси, кўпкураш баҳсларида гимнастикачимиз Тахмина Икромова умумий натижага кўра барча рақибларини ортда қолдирди ва Жаҳон кубогининг олтин медалини қўлга киритди. Тахмина Икромова умумий ҳисобда 119,6 балл тўплади. Ушбу йўналишда иштирок этган яна бир гимнастикачимиз Сабина Ташкенбаева 111,40 очко тўплаб, 6-ўринга жойлашди.

Тошкент. Жаҳон кубоги. Кўпкураш

1. Тахмина Икромова (Ўзбекистон) - 119,60

2. Екатерина Ваденеева (Словения) - 118,20

3. Даржа Варфоломедеев (Германия) - 112,65.