Тайсон Фьюри Жошуа, Усик ва Уайтни қўрқоқлар деб атади

Аммо собиқ жаҳон чемпиони Энтони Жошуа ҳамда WBA, IBF ва WBO йўналишлари бўйича жаҳон чемпиони Александр Усик ўзаро реванш жангини ўтказиш тўғрисида бир қарорга келмаган. Фьюри эса сўзсиз Усик билан жанг қилмоқчи. WBC титули учун мажбурий даъвогар Диллиан Уайт эса у билан жанг қилишни истамаяпти.

Эслатиб ўтамиз, ўтган ҳафта охирида Жошуа 20 миллион доллар эвазига Усик билан реванш жангини ўтказмаслиги мумкинлиги ҳақида маълумот пайдо бўлганди, бироқ Жошуанинг ўзи бундай келишув бўлмаганини айтди. Диллиан Уайт эса WBC ва Фьюри жамоаси унга чемпионлик учун жангга таклиф қилаётган суммадан қониқмаяпти.

"Яна бир машғулот тугади. Тик-так, лаънати тик-так, вақт тугаяпти. Диллиан Уайт мен билан жанг қиладими? Энтони Жошуа реванш жангини рад этадими? Менга янгиликларни айтинг, чунки мен бу "мешоклар"ни томоша қилишдан ва баҳоналарини эшитишдан чарчадим. Тик-так. Вақт тугаяпти. Сиз қўрқоқлар яширишни яхши биласизлар", — деди Фьюри ижтимоий тармоқларга жойлаштирган видеосида.  

"Бу ҳафта охирида жанг қилишга тайёрман. Жошуа қўрқоқ, Усик қўрқоқ, Диллиан Уайт эса жанг қилишни хоҳламайди, агар улар менинг сўзларимни рад этишни хоҳласалар, аллақачон жанг қилишсин, лаънати қўрқоқлар. Ҳаммангиз қўрқоқ ва "мешок"сиз. Жанг қилинг, аёлларга ўхшамасдан, - давом этди Фьюри. 

Бу қўрқоқлардан бири жанг қилишга қарор қилмагунча, мен бу видеоларни чиқаришда давом этаман. Ҳаммангиз қўрқоқсиз, шармандали "мешок"лар. Менга ким билан жанг қилишим муҳим эмас - Жошуа, Усик, Диллиан Уайт ёки уларнинг барчаси билан. Мен билан жанг қилинг, мен ҳозиргача яшаган энг яхши жангчиман. Мен сизларни йўқ қиламан ва таслим бўлишга мажбур қиламан. Ташқарига чиқинг ва жанг қилинг”, - деди Фьюри.