16 ноя 09:30
Янгиликлар

Бокс/ММА

Тайсон - Пол оқшомининг Co main-event жанги якунланди

Айни дақиқаларда АҚШнинг Арлингтон шаҳрида профессионал бокс турнири бўлиб ўтмоқда.

Ҳозиргина оқшомнинг co main-event жанги якунига етди. Аёл боксчилар ўртасидаги реванш мақомидаги жангда пуэрторикалик Аманда Серрано (47-2-1, 31 КО) ирландиялик Кэти Тейлор (23-1, 6 КО)га қарши рингга кўтарилди.

Тўлиқ ўн раунд давом этган жангда жанг фаворити сифатида қаралган Аманда Серрано очколар ҳисобига кўра ютқазиб қўйди. Уччала ҳакам ҳам 95-94 ҳисобидаги ғалабани Кэти Тейлорга тақдим этди.

Бу билан Тейлор 2022 йилдаги мағлубият учун Амандадан реванш олишга муваффақ бўлди. Ўша тўқнашув 2022 йилнинг энг яхши жанги сифатида тан олинганди. Бугунги реванш жангида Netflix статистикасига кўра Серрано устунлик қилган. Унинг жами 734 та зарбасидан 324 таси аниқ бўлган. Тейлорнинг 529 та зарбасидан 217 таси манзилига аниқ етиб борган.