09 сен 08:41
Янгиликлар

Бокс/ММА

Темиров ҳам Тошкентда жанг қилади + ПОСТЕР

Хабар берганимиздек, 5 октябрь куни Тошкент шаҳридаги "Renaissance Hall" мажмуасида ММА бўйича Octagon 64 турнири ўтказилади.

Турнир доирасида ёш ҳамюртимиз Азизбек Темиров ҳам иштирок этадиган бўлди. UFC жангчиси Рамазон Темировнинг укаси ҳисобланган Азизбекка Octagon 64 мусобақасида тожикистонлик Шерзод Ибодиллоев рақиб бўлади.

Маълумот учун, Азизбек Темиров ҳозирга қадар 4 та жанг ўтказиб, уларнинг барчасида ғалаба қозонган. Рақиб ҳисобида эса 7 ғалаба ва 3 мағлубият бор.

Аввалроқ, мусобақада Амирхон Алихўжаев, Шоҳасан Мирзаматов каби таниқли ММА жангчиларимиз октагонга кўтарилиши ҳақида хабар берган эдик.