27 ноя 16:39
Янгиликлар

Теннис

Теннис. Ҳумоюн Султонов Вале-де-Лобо турнири ғолибига айланди. Бу унинг фаолияти давомидаги тўртинчи титули

Португалиянинг Вале-де-Лобо шаҳрида теннис бўйича "Фьючерс" туркумига кирувчи мусобақа кеча ўз якунига етди.

Мусобақанинг финал баҳсида Ўзбекистоннинг биринчи рақамли ракеткаси Ҳумоюн Султонов кортга чиқди. Франциялик Жюль Марига қарши кечган баҳс тақдири 2 сетда ҳал бўлди. Унга кўра, 25 ёшли Ҳумоюн учрашувда 6/4, 7/6 (13-11) ҳисобида рақибидан устун келди ва турнир ғолибига айланди.

Маълумот учун, ушбу мусобақанинг мукофот жамғармаси 25 000 АҚШ долларини ташкил этади. Вале-де-Лобо турнири Султоновнинг фаолияти давомидаги яккалик баҳсарида қўлга киритган тўртинчи титули бўлди. Ҳумоюн бунгача Қарши, Прага, Яблонек ва Нисау шаҳарларида ўтказилган "Фьючерс" турнирларида ғалабага эришган.

Маълумот ўрнида, Султонов айни дамда дунё рейтингида 415, Жюль Мари эса 251-ўринни эгаллаб турибди.