05 окт 16:39
Янгиликлар

Теннис

Теннисчи Александра Бармичева J200 Истанбул турнирида чемпион бўлди

Ўзбекистон вакиласи Александра Бармичева Туркиянинг Истанбул шаҳрида ўтказилган ITF World Tennis Tour Juniors J200 турнирининг яккалик баҳсларида чемпионликни қўлга киритди.

Бармичева мусобақа давомида бир қатор кучли рақибларни мағлуб этди. Чорак финалда у турнирнинг биринчи рақамли сараланган теннисчиси, ўсмирлар жаҳон рейтингида 83-ўринда бораётган туркиялик Айше Балга қарши баҳс олиб борди. Ҳамюртимиз дастлабки сетни 3:6 ҳисобида бой берганига қарамай, кейинги икки сетда 6:3, 6:4 ҳисобида ғалаба қозониб, ярим финалга йўл олди.

Турнир бошланишидан олдин Бармичева ITF ўсмирлар жаҳон рейтингида 278-ўринни эгаллаб турган эди.

Истанбулдаги чемпионлик унга 200 рейтинг очкоси олиб келади. Натижада ўзбекистонлик теннисчи навбатдаги рейтинг янгиланишида юқорилаши кутилмоқда.