Теннисчиларимиз совриндорлар орасида + ФОТО

Жумладан, РОЗТМ тарбияланувчилари апрель ойида бўлиб ўтган Ўзбекистон чемпионатида жами 51 та медалларни (шундан 18 та олтин, 19 та кумуш, 14 та бронза) қўлга киритишди. Апрелнинг сўнгги кунлари пойтахтимизда ўтган Халқаро теннис федерацияси ITF таснифига кирувчи J-3 халқаро турнирида спорт мактабининг 18 ёшгача бўлган терма жамоаси аъзолари ҳам иштирок этишди. Унда Файзулло Мирзағаниев (яккаликда 2-ўрин), Исмоил Хайриддинов (жуфтликда 1-ўрин), Мафтунабону Қаҳрамонова (жуфтликда2-ўрин), Муниса Ашурбекова (жуфтликда 2-ўрин), Фарида Маримова (жуфтликда3-ўрин) кучли учликдан жой эгаллашди. 

Шунингдек, шу ёш тоифасидаги теннисчилар 15-29 май кунлари Бишкек шаҳрида Халқаро теннис федерацияси ITF таснифига кирувчи J-5 халқаро турнирда қатнашди. Хусусан, Исмоил Хайриддинов жуфтликда (Амир Милушев, Ўзбекистон) 3-ўринни эгаллади. Яна бир умидли спортчи Файзулло Мирзағаниев мусобақанинг чорак финалига чиққанди. Бироқ жароҳати боис Файзулло турнирни эрта тарк этишга мажбур бўлди. 

Қолаверса, истеъдодли теннисчиларимиз Бишкек ва Душанбе шаҳарларидаги турнирларда муваффақиятли иштирок этиб, юртимиз шарафини муносиб ҳимоя қилишди. Ўтган ойда Тожикистон пойтахтида АTF (Осиё теннис федерацияси) тасарруфи остида ўтган халқаро турнирда кечган беллашувларда ҳам яккалик ва жуфтлик йўналишларда ўз омадларини синаб кўришди. Жумладан, Абдулазиз Усмонжонов икки бор яккаликда тенгсиз топилган бўлса, жуфтликда ҳам икки бор Жавоҳир Мирзакамолов билан шоҳсупанинг энг юқорисига кўтарилишди. Шунингдек, Нуриддин Бахтиёров (жуфтликда 2 ва 3-ўрин, яккаликда 3-ўрин),Абдураҳмон Хожибоев (2 ва 3-ўрин, жуфтликда), Абдуллоҳ Дилшодов (иккита 2-ўрин, жуфтликда), совриндор бўлишди. 

Хабарингиз бор, Ўзбекистон 2025 йилги ёшлар ўртасида IV ёзги Осиё ўйинларига мезбонлик қилади. Таъкидлаш жоизки, юқорида номлари тилга олинган умидли спортчилар теннис бўйича Ўзбекистон ўсмирлар терма жамоасининг етакчи аъзолари саналади. Улар юртимизда кечадиган бўлажак Осиё ўйинларида мамлакатимиз шаънини ҳимоя қилишади.