Теофимо Лопес бирлаштирувчи жанг бўйича музокаралар олиб бормоқда

The Ring нашрининг хабар беришича, ушбу жанг 2025 йил май ёки июнь ойларида Нью-Йоркда (АҚШ) бўлиб ўтадиган Riyadh Season бокс оқшоми доирасида ташкил этилиши мумкин. Эътиборлиси, ҳар икки боксчи ҳам айнан Нью-Йоркдан.

Эслатиб ўтамиз, Лопес сўнгги жангини 2024 йил июнь ойида ўтказган ва унда канадалик Стив Клаггеттни ҳакамларнинг якдил қарори билан мағлуб этган эди. 2025 йил бошларида у Саудия Арабистони билан учта жанг бўйича шартнома имзолаган. Хитчинсга қарши жанг шу шартнома бўйича биринчи жанг бўлиши мумкин.