15 окт 14:53
Янгиликлар

Бокс/ММА

Теофимо Лопес Шакур Стивенсонни нокаут қилишга ваъда берди, америкалик жойида жавоб қайтарди

Биринчи ярим ўрта вазн (63,5 кг гача)да WBO чемпиони америкалик Теофимо Лопес мағлубият нималигини билмай келаётган ҳамюрти Шакур Стивенсон билан эҳтимолий жанги ҳақида гапирди.

"Мухлисларни ўз чиқишларинг билан ухлатиб қўйганинг учун сени ухлатиб қўяман!" - деб ёзди Лопес ижтимоий тармоқда.

"63,5 кг вазнда ҳеч кимни тўхтатмадинг. Энди мени чопиб ташлайман, деяпсанми? Теофимо, сенинг вақтинг тугаган. Умид қиламанки, саёҳатинг сенга ёқди", - дея жавоб берди Стивенсон.

Июль ойида бўлиб ўтган сўнгги жангида Стивенсон мексикалик Уильям Зепедани ҳакамларнинг якдил қарори билан мағлуб этганди. Лопес май ойида ҳамюрти кичик Арнольд Барбозадан очколар ҳисобига кўра устун келган эди.