Теренс Кроуфорд яқинда бокс бўйича ўтказилган жангни шубҳа остига олди

Теренс супероғир вазнда собиқ мутлақ жаҳон чемпиони Майк Тайсон ҳамда боксчи-блогер Жейк Пол ўртасидаги жангнинг ҳалоллигига шубҳа қилмоқда. Кроуфорднинг фикрича, рингда бўлаётган воқеалар ҳақиқий қарама-қаршиликдан кўра кўпроқ саҳна кўринишига ўхшарди.

"Афсонанинг кетаётганини кўриб, юрагим эзилади. У ерда умуман бўлмаслиги керак эди. Мен Тайсоннинг қўлқопини бунчалик тишлаганини ҳеч қачон кўрмаганман - у уни урмаслик учун қўлидан келганини қилди. Ўйлашимча, бу жанг келишилган эди. Унинг барча алоқалари ва мавқеини ҳисобга олган ҳолда, одамлар унга пул топишнинг бошқа йўлини топишлари мумкин эди. Жейкнинг бундай чиқишидан кейин у Мейвезерга ҳам ҳеч қачон тўғри келмайди", - деди Кроуфорд Жо Роганнинг подкастида.

Тайсон ва Пол ўртасидаги жанг 2024 йилнинг ноябрь ойида бўлиб ўтганди. Жанг саккиз раунд давом этган (ҳар бири икки дақиқадан) ва ҳакамларнинг якдил қарори билан Жейкнинг ғалабаси билан якунланганди.