Терма жамоамиз аъзолари Алишер Навоий номидаги Ўзбекистон Давлат адабиёт музейига саёҳат қилишди

Стол тенниси ва пара стол тенниси бўйича Ўзбекистон миллий терма жамоа аъзолари ҳам ушбу қутлуғ санани муносиб қаршилашди.

Шу муносабат билан Ўзбекистон стол тенниси ва пара стол тенниси терма жамоаси аъзолари Алишер Навоий номидаги Ўзбекистон Давлат адабиёт музейига саёҳат қилишди. Экскурция давомида музей ходимлари Алишер Навоий ҳақида спортчиларимизга қизиқарли бўлган маълумотларни тақдим этишди. Шунингдек, Ўзбекистон стол тенниси федерацияси психолиги Умида Атабаева спортчиларнинг халқаро спорт майдонларида Ватан шаънини муносиб ҳимоя қилишида, юксак ғалабаларга эришишида нафақат жисмоний куч-қудрат, балки чуқур билим, интеллектуал салоҳият, тарих ва адабиётни теран идрок этиш катта аҳамиятга эга эканлигини таъкидлаб, сўз мулкининг султони Алишер Навоий асарларини ўқиб-ўрганиш кишини камолотга етаклашини қайд этди. 

Суннатилло Муродуллаев, Румия Лутфулина, Мадалиева Суғдиёна, Иззатбек Ҳамраев ва бошқалар тадбир давомида хазрат Навоийнинг ғазалларидан парчалар ўқиб беришди.

 Ўзбекистон стол тенниси федерацияси матбуот хизмати