Терма жамоамизнинг дзюдо ватанидаги машғулот йиғини якунланди + ФОТО

Кеча Алексей Будолин бош мураббийлигидаги дзюдочиларимиз Кунчиқар юртдаги сўнгги машғулотни ўтказишди. Режа бўйича терма жамоамиз 11-18 январь кунлари Кокушикан, 18-24 январда Токаи, 24-29 январь кунлари оралиғида эса Нихон Университети қошидаги дзюдо марказида шуғулланишди. 

Ушбу халқаро йиғин доирасида дзюдочиларимиз Япония ва Туркия терма жамоалари билан бирга машғулотда қатнашишди. Афсонавий Кодоканда ўтказилган машғулотлар ҳар томонлама фойдали бўлди. 

Япония йиғини 28 февраль - 1 март кунлари пойтахтимиз мезбонлик қиладиган OTP Group Tashkent Grand Slam 2026 турнирига тайёргарлик босқич вазифасини ўтаб берди. Бугун терма жамоамиз делегацияси Токиодан Тошкентга қайтади. 

Япония йиғинида иштирок этган таркиб:

-60 кг: Баҳром Ботуров, Самариддин Қўчқоров

-66 кг: Замоҳшари Бекмуродов, Абдураҳим Нутфуллоев

-73 кг: Шаҳрам Аҳадов

-81 кг: Арслон Тожиев

-90 кг: Давлат Бобонов, Шаҳзодхўжа Шарипов, Умар Бозоров

-100 кг: Эрназар Сарсенбаев  

+100 кг: Алишер Юсупов 

Бош мураббий - Алексей Будолин