Термизда ўсмирлар учун мусобақа ташкил этилди + ФОТО

Ўзбекистон дзюдо федерацияси томонидан "Мактабларда дзюдо" дастури доирасида 9-умумтаълим мактаби ҳудудида бунёд этилиб, фойдаланишга топширилган ихтисослаштирилган дзюдо зали мезбонлик қилган мусобақада 2009-2011 ҳамда 2012-2014 йилларда туғилган кичик ўсмирлар татамига чиқишди. 

"Surxon Judo Club" томонидан ташкил этилган ушбу мусобақа доирасида ёш ҳакамлар учун амалий семинар ҳам ўтказилди. Турнир якунида ғолиб ва совриндорларга эсдалик совғалари топширилди. 

Тақдирлаш маросимида сурхон ўғлони, жаҳон чемпионати совриндори, Олимпиада иштирокчиси, "Мард ўғлон" мукофоти соҳиби, вилоят терма жамоаси мураббийи Шарофиддин Лутфуллаев ҳам иштирок этди.