31 июл 18:20
Янгиликлар

Теннис

Тэйлор Фритц бош совринни АҚШда олиб қолди

Дунёнинг тўққизинчи ракеткаси Тэйлор Фритц АҚШнинг Атланта шаҳрида якунига етган ATP турнири чемпионига айланди.

Америкалик теннисчи ҳал қилувчи финал учрашувида ATP рейтингининг 82-поғонасида борган австралиялик Александр Вукични қийинчилик билан мағлубиятга учратди - 7/5, 6/7(5), 6/4. Бу теннисчиларнинг ўзаро илк учрашуви эди.

Икки соату 18 дақиқа давом этган баҳсда Фритц 16, Вукич эса 14 та эйс зарбани амалга оширган. Ўз юртидаги муваффақиятли иштирок Тэйлорга 250 рейтинг очкоси ҳамда 112,125 АҚШ доллари миқдоридаги мукофот пулини тақдим этди. Бу унинг фаолиятидаги олтинчи ATP соврини бўлди.