11 апр 17:20
Янгиликлар

Теннис

Тимофеева Руандаги иштирокини ғалаба билан бошлади

Франциянинг Руан шаҳрида теннис бўйича WTA 250 тоифасига кирувчи, мукофот жамғармаси 283,347 долларни ташкил этган турнирнинг саралаш баҳслари старт олди.

Мусобақанинг саралаш турнирида мамлакатимизнинг учинчи ракеткаси Мария Тимофеева ҳам ўз омадини синаб кўрмоқда. Вакиламиз бироз аввал саралашнинг 1/2 финалида франциялик Ярослава Барташевични бироз қийинчилик билан мағлубиятга учратди - 7/5, 6/1.

Таққослаш учун, Тимофеева WTA рейтингида 153, Барташевич 491-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Иккала теннисчи ҳам биттадан қўшхатога йўл қўйди. Мария 2, Ярослава 1 та эйс зарбасини амалга оширди. Эртага саралашда бешинчи рақам остида таснифланган Тимофеева рейтингнинг 236-поғонасида бораётган франциялик Хлоэ Пакега қарши кортга чиқади.