25 окт 13:47
Янгиликлар
Бокс/ММА
Тимоти Жонсон Емельяненкодан қабул қилган мағлубиятига изоҳ берди
Bellator промоушенининг оғир вазнлилар рейтингида иккинчи ўринни эгаллаб турган Тимоти Жонсон 23 октябрь куни Фёдор Емельяненкога биринчи раунднинг ўзида нокаут билан мағлуб бўлганди.
Америкалик яккакураш устаси жанг келишилган характерга эга деган маълумот тарқатаётганларга жавоб берди.
"Айрим одамларнинг бўш вақти шунчалик кўплигидан, уни бемаъни гапларни ёзиш, тарқатишга сарфлашяпти. Қатъий айтаман, йўқ, бу келишилган жанг эмасди. Менинг залворли зарбаларим ва аксинча ўзим ўтказиб юборган кучли зарбаларимни кўриш учун кўзойнак шарт эмасди. Фёдор ҳар қандай инсонни нокаутга тушира оладиган зарба нуқтасини топа олди. Умид қиламанки, мен 45 ёшимда жанг қилмайман. Лекин ўша ёшда айнан Фёдордек бўлишни хоҳлардим", - деди Жонсон.
Тимоти Жонсоннинг фикрича, Емельяненко бемалол дивизионнинг амалдаги чемпиони Райан Бейдерга қарши жанг ўтказа олади. Бунинг учун ташкилот президенти билан гаплашиб олиши лозим.
Ҳавола :
Манба : fighttime
Фикрлар