Тўлқин Қиличев: “Ўзбекистон бокс мактабининг мураббийи эканимдан хурсандман”

Тантанали маросимда бокс бўйича терма жамоа мураббийи Тўлқин Қиличевга сўзга чиқиб:

“Ўзбекистон бокс мактаби мураббийи, Баҳодир Жалоловнинг мураббийи эканлигимдан фахрланаман. Шогирдимиз Баҳодирнинг Олимпиада чемпионлигигача бўлган жараён: унинг ортида турган машаққат, сизнинг ғамхўрлигингиз, пандемия бўлишига қарамай ҳамма шариотни яратиб берганингиз ва алоҳида та`кидлаб ўтишим зарур, Баҳодирга берган руҳий далдангиз, уни сизга берган ва`даси Олимпиада олтин медалига етаклаб борди. 

Баҳодирнинг вазни бугунги кунда энг оммабоп, томошабоп вазн ҳисобланади. Бу вазнда нафақат Ўзбекистон, балки Осиё тарихидаги илк чемпион ҳам ўзбек ўғлони бўлди. Президентга чин кўнгилдан ва`да берсак олтин медаллар олиб келяпмиз. Шунинг учун жамоамиз билан ёш иқтидорларни тайёрлаб Париж Олимпиадасида бундан яхши натижларни қайд этишга ва`да берамиз”, - деди Тўлқин Қиличев нутқида.