Тўлқин Қиличев: «Уларнинг барчаси захирадаги йигитлар»

Тўлқин Қиличев қозоқ нашрига интервью берди.

- 22 ёшгача бўлган боскчилар ўртасидаги ўтган Осиё чемпионати сизга ёқдими? Ишончингиз оқландими?

Ҳа, албатта, ишончимизни оқлашди. Натижа яхши, йигитлар ҳаракат қилишди, ишладилар. Турнир эса кутганимиздек бўлди. Ҳамма бахтли.

- Мусобақада Ўзбекистоннинг шу ёшдаги барча кучли боксчилари қатнашганми?

— Йўқ, тўғрисини айтсам, бу мусобақада барча етакчиларимиз қатнашмаган. Чунки бу ёшда терма жамоанинг биринчи рақамли вакили бўлган йигитларимиз бор. Биз уларни юбормадик, лекин уларнинг ўрнига иккинчи рақамлилар кетди. Уларнинг барчаси захирадаги йигитлар. Лекин улар рақобатбардош. Улар буни исботлашди.