Том Аспиналл UFC чемпионлик камаридан воз кечиши мумкин

Бу ҳақда ташкилот раҳбари Дана Уайт Лас-Вегасдаги матбуот анжуманида маълум қилди.

"Биз буни муҳокама қиляпмиз. Валентина Шевченко дивизионни ноаниқ ҳолатда ушлаб туришни истамади ва чемпионлик унвонидан воз кечди. Ўйлайманки, Том ҳам худди шундай фикрда. Унинг соғлиғи ҳозир қандай ҳолатда эканлигини шахсан ўзим билмайман. Тез орада бу вазиятга ойдинлик киритамиз деб ўйлайман", – деди лига раҳбари.

Жорий йил охиригача Том Аспиналл дивизионнинг вақтинчалик чемпиони Сирил Ган билан бирлаштирувчи жанг ўтказиши режалаштирилган эди. Бироқ британиялик спортчининг агенти Эдди Хирн ўз мижозининг французга қарши биринчи жангда олган кўз жароҳати ҳали тўлиқ тузалмагани ва у октагонга қайтишга тайёр эмаслигини маълум қилди.

Шундан сўнг, июнь ойида вақтинчалик чемпионлик учун жанг қилган Сирил Ган ва Алекс Перейра зудлик билан реванш ўтказишга қизиқиш билдиришди, Дана Уайт эса бу имкониятни истисно қилмади.