Том Аспиналл UFC чемпионлик камарини ўз ихтиёри билан топширишдан бош тортди

У аксинча, ташкилотдан истеъфога чиқиш бўйича қарши талаб қўйди, дейди аралаш яккакурашлар фахрийси ва таҳлилчи Жош Томсон.

"UFC Том Аспиналлдан қайтишга тайёр бўлмагунча камарни бўшатишни сўради. У эса UFC раҳбарлари ташкилотдан қўйиб юборишга рози бўлса, камарни топширишга тайёрлигини айтди. Бу ҳолат унга йўл очади - Том бокс билан шуғулланиши мумкин. Бу ҳақиқатан ҳам жуда ғалати ҳолат. Оғир дивизионда ҳозир тўс-тўполон.

Жайлтон Алмейда кетди - уни яқиндагина промоушендан кетказишди. Том Аспиналл ҳам кетиши мумкин. Жон Жонс қайтиб келмоқчи эмасга ўхшайди. Дивизионда тўс-тўполон, ҳақиқий фалокат. Оғир ва ярим оғир дивизионлар ҳозирда тарихдаги энг ёмон ҳолатда", - деди Томсон ўз подкастининг навбатдаги сонида.

Эслатиб ўтамиз, икки кун аввал Том Аспиналл кўзида навбатдаги жарроҳлик амалиётини ўтказганини маълум қилган ва бу билан мухлислар унинг тез орада октагонга қайтишини кутмасликлари кераклигини билдирганди.