04 июл 09:39
Янгиликлар

Бокс/ММА

Тони Белью: “Фақат Уайлдерда Жошуани мағлуб этиш учун имконият бор”

Британиялик супероғир вазн тоифасидаги боксчи Тони Белью ҳозир ушбу дивизионда юзага келган ҳолат ҳақида фикр билдирди.

Бельюнинг фикрича, бугунги кунда WBA, WBO ва IBF йўналишлари чемпиони Энтони Жошуани мағлуб этишга биргина WBC чемпиони америкалик Деонтей Уайлдер қодир экан.

“Деонтей Уайлдер профессионал рингда 40та жанг ўтказди. Биргина Луис Ортисни инобатга олмаганда, бошқа кучли боксчилар билан тўқнаш келмади. Лекин шунинг баробарида айнан Уайлдер Энтони Жошуани мағлуб этишга қодир ягона боксчи бўлиб турибди. Бошқа ҳеч кимнинг Энтони билан жангда ғалабага имконияти йўқ. Хатто Тайсон Фьюри ҳам 12 раунд туриб бера олмайди”, - деди Белью.