02 июн 10:54
Янгиликлар

Бокс/ММА

Тони Фергюсон оиласида ўғил фарзанд дунёга келди + ФОТО

UFC жангчиси Тони Фергюсон яна бир бор оталик бахтига муяссар бўлди.

"Рафиқам бугун яна бир лотинамерикаликни дунёга келтирди. Энтони, ўғлим, ўйлайманки, сен ҳам кун келиб менинг ишимни давом эттирасан. Энг яхши ота бўлишга ваъда бераман. Ҳар доим менга суянишинг мумкинлигини унутма", — дея ўзининг Инстаграм саҳифасида сурат ва унинг остида изоҳ қолдирган Фергюсон.

Эслатиб ўтамиз, Тони яқинда Хьюстон (АҚШ) шаҳрида ўтказилган UFC 262 турнирида Бенеил Дариушга имкониятни бой бериб қўйганди. Бу унинг қаторасига учинчи мағлубияти эди. Фергюсоннинг ҳозирча сўнгги ғалабаси 2019 йилнинг июнь ойига тўғри келади. Ўшанда у Дональд Серронени нокаутга учратганди.