02 апр 08:23
Янгиликлар

Бокс/ММА

Тони Фергюсон: Хабибни чемпионлик унвонидан маҳрум қилиш керак!

Хабар берганимиздек, UFC чемпиони Хабиб Нурмагомедов 18 апрель куни Тони Фергюсонга қарши октагонга чиқмаслигини маълум қилганди.

Америкалик UFC жангчиси Хабибнинг бу қарорига кескин фикр билдирди. Тони UFC президентидан Нурмагомедовни чемпионлик унвонидан маҳрум қилишни талаб этмоқда.

"У АҚШда қолиши ёки Россия чегаралари ёпилгунига қадар уйга қайтиши мумкин эди. Хабиб шунчаки жанг қилишни истамади. У қўрққанидан қочиб кетди. Уни чемпионлик унвонидан маҳрум қилиш шарт", - деди Фергюсон ESPN каналига берган интервьюсида.

Эслатиб ўтамиз, Хабиб Нурмагомедов ва Тони Фергюсон ўртасидаги жанг бешинчи маротаба бекор қилинди. Ушбу жанг 18 апрель куни UFC 249 турнири доирасида бўлиб ўтиши лозим эди.