20 дек 08:01
Янгиликлар

Бокс/ММА

Тони Фергюсонга рақиб топилди

UFC матчмейкерлари Тони Фергюсонга рақиб топишга муваффақ бўлишди.

Бу ҳақида кеча ўтказилган UFC Fight Night 199 турниридан кейинги матбуот анжуманида ташкилот президенти Дана Уайт маълум қилди.

"Ўйлашимча, бизда Тони Фергюсон учун жанг бор. Биз Тонига рақиб топдик. Жуда қизиқарли жангга гувоҳ бўламиз. Бу Нэйт Диас эмас. Яқин кунларда Фергюсоннинг рақибини расман эълон қиламиз. Диас эса катта эҳтимол билан Дастин Порьега қарши октагонга кўтарилади", - деди UFC раҳбари.

Айни пайтда 37 ёшли Тони Фергюсон UFC енгил вазнлилар рейтингида 7-ўринни эгаллаб турибди. У ўзининг сўнгги учта жангида мағлубият аламини тотиб кўрган эди.