Top Rank компанияси Альварес билан шартнома имзолади

Профессионал бокснинг ярим оғир вазн тоифасида WBO йўналиши чемпиони, колумбиялик Элайдер Альварес бундан кейинги жангларини Боб Арумга тегишли Top Rank промоутерлик компанияси байроғи остида ўтказади. 

Шунингдек, Альвареснинг канадалик промоутер Ивон Мишель билан амалдаги шартномаси ҳам сақланиб қолади. Арум ва Мишель Альвареснинг жангларидан бирдек фойда кўришади. Улуш икки промоутер ўртасида тенг тақсимланади.

Эслатиб ўтамиз, колумбиялик жаҳон чемпиони навбатдаги жангини 2 февраль куни ўтказади. У шу куни россиялик собиқ жаҳон чемпиони Сергей Ковалёвга қарши реванш жангида рингга кўтарилади.