Топурия Иан Гаррининг Махачевга қарши имкониятларини баҳолади

"Эл Матадор"нинг сўзларига кўра, бўлажак жангда ирландияликнинг нокаут эвазига ғалаба қозониш имкониятлари юқори.

"Бу жанговар бизнес - бу ерда ҳар кимда, айниқса Иан Гаррида имконият бор. UFC`да у катта тажриба тўплади ва мен унинг ҳақиқатан ҳам кўп имкониятларга эга эканлигини кўряпман. Биз Исламнинг аввал ҳам нокдаунга учраганини кўрганмиз, нега энди бу иккинчи марта содир бўлмаслиги керак?", – деди Топурия ўз интервьюсида.

Россия ва ирландиялик ўртасидаги чемпионлик жанги ҳали расман эълон қилинмаган бўлса-да, унинг 15 август куни Филадельфияда ташкил этиладиган UFC 330 турнирининг асосий воқеасига айланиши тахмин қилинмоқда.