Топурия собиқ рафиқаси билан бошланган биринчи судда ғолиб чиқди

Испаниянинг Мостолесе шаҳри суди собиқ турмуш ўртоғининг қизини мамлакатдан ташқарига олиб чиқишга рухсат бериш ҳақидаги илтимосини рад этди. Бу ҳақда Испаниянинг Marca нашри хабар бермоқда.

Маълумотларга кўра, суд никоҳни бекор қилиш жараёни якунланмагунча ва Топурия учун расмий учрашувлар жадвали тузилмагунча, Ускатеги бир ярим ёшли қизини Испаниядан олиб чиқа олмаслиги тўғрисида қарор чиқарган. Судья хорижга чипталар онаси Топурия оммавий ахборот воситаларида шов-шувга сабаб бўлган баёнотни эълон қилишидан 12 кун олдин сотиб олганини таъкидлади. Бу эса унинг ижтимоий тармоқлардаги таъқиблар туфайли мажбуран кетиш ҳақидаги даъволарини рад этади.

Шунингдек, қарорда айтилишича, Топурия тўрт ой давомида онасининг ташаббуси билан, унинг уринишларига қарамай, қизи билан кўриша олмаган. Шу билан бирга, судга нисбатан эҳтимолий ҳуқуқбузарликлар тўғрисида қарши шикоят ҳам киритилди.