18 авг 17:02
Янгиликлар

Бокс/ММА

Топуриянинг жамоаси Илия UFC`даги навбатдаги жангини қачон ўтказишини маълум қилди

UFC`нинг собиқ икки вазн тоифасидаги чемпиони Илия Топуриянинг жисмоний тайёргарлик бўйича мураббийи Хесус Галло "Relevo" порталига берган интервьюсида шу ҳақда гапирди.

Унинг айтишича, "Матадор" 2027 йилнинг баҳорида навбатдаги жангини ўтказиши мумкин бўлади. Илия ҳам жисмонан, ҳам руҳан муваффақиятли тикланмоқда. Бироқ, мураббийнинг фикрича, UFC раҳбарияти декабрь ойида Топурияга жанг ташкил этмайди, гарчи "Матадор"нинг ўзи жанг қилишга тайёр бўлса ҳам.

Эслатиб ўтамиз, ўзининг сўнгги жангида Илия UFC`нинг енгил вазн тоифасидаги мутлақ чемпионлик камари учун америкалик Жастин Гэтжига қарши октагонга кўтарилганди. 15 июнь куни Вашингтонда бўлиб ўтган UFC White House — Freedom 250 турниридаги ушбу жанг Жастиннинг техник нокаутли ғалабаси билан якунланган эди.