Тўрабек ғалаба билан бошлади, бугун 3 боксчимиз рингга чиқади

Мусобақанинг иккинчи куни Ўзбекистон терма жамоаси аъзоларининг юриши бошланди. Чарм қўлқоп усталаримизнинг иштирокини Тўрабек Ҳабибуллаев бошлаб берди. -80 кг вазндаги боксчимиз илк даврадаёқ кучли рақиб, иорданиялик Ҳуссейн Иашишга қарши жанг ўтказди. Уч раунд тўлиқ давом этган жангда Ҳабибуллаев рақибини 5:0 ҳисобида таслим этди ва кейинги босқичга йўл олди.  

Бугун лицензион турнирда яна 3 нафар боксчимиз ўз юришини бошлайди. Руслан Абдуллаев, Асадхўжа Мўйдинхўжаев ва Райҳона Қодировага бўлажак жангларда ғалаба ҳамда омад ёр бўлишини тилаймиз.

Бугунги рингга чиқадиган боксчиларимиз: 

-63,5 кг: 1/32 финал. Руслан Абдуллаев - Шива Тапа (Ҳиндистон) 

-71 кг: 1/32 финал. Асадхўжа Мўйдинхўжаев - Ислам Ячи Юсуф (Жазоир)

-60 кг: 1/16 финал. Райҳона Қодирова - Шеила Мартинес (Испания)