12 янв 11:37
Янгиликлар

Теннис

Тўртинчи ракетканинг юриши тўхтади

Дунёнинг тўртинчи рақамли теннис маликаси София Кенин Абу-Даби турниридаги иштирокини тўхтатишга мажбур бўлди.

Америкалик теннисчи чорак финал учрашувида рейтингнинг 22-поғонасидан жой олиб турган грециялик Мария Саккарига 6/2, 2/6, 0/6 ҳисобларида ютқазиб қўйди.

Бир соату 31 дақиқа давом этган баҳсда 22 ёшли Кенин биронта ҳам эйс зарбани амалга ошира олмади. 25 яшар Саккари эса 9 та эйс зарбаси йўллади. Мария бу ғалабаси эвазига ўзаро учрашувлардаги ҳисобни қисқартирди - 1:2. Энди Саккари Abu Dhabi Tennis Open турнирининг ярим финалида беларуслик Арина Соболенкога қарши кортга чиқади.