21 мар 18:11
Янгиликлар

Теннис

Тошкент Опен-2018 ғолибаси Майамини тарк этди

Россиялик теннисчи Маргарита Гаспарян Майами шаҳрида ўтказилаётган турнирнинг илк даврасидаёқ мағлубиятга учради.

Тошкент Опен-2018 ғолибаси биринчи босқич учрашувида франциялик Полин Парментьега қарши кортга чиқди. Икки соату 16 дақиқа давом этган баҳсда дунёнинг 75-ракеткаси бўлиб турган Маргарита 6/4, 1/6, 6/7(4) ҳисобида имкониятни бой бериб қўйди.

33 ёшли Полин рейтингнинг 55-поғонасидан жой олган. Икки теннисчи ўртасидаги ўзаро учрашувлар ҳисоб тенглашди - 1:1. Энди Парментье Miami Open турнирининг иккинчи даврасида бельгиялик Элиза Мертенсга қарши кортга чиқади.