Toshkent Open. Бош соврин Беларусга кетди, Шамсиддинда 2-ўрин!

Халқаро турнирнинг кучлилар жам бўлган А гуруҳида ғолиб номи сўнгги турда маълум бўлди. Бугун ўтказилган 9-турда 6,5тадан очко жамғариб турган беларуслик Алексей Фёдоров ва ёш шахматчимиз Саидакбар Сайдалиев ўзаро тўқнаш келишди. Саидакбар халқаро гроссмейстерга қарши кечган учрашувда имкониятни бой берди. 

Шамсиддин Воҳидов эса қора доналарда ўйнашига қарамай Валерий Казаковскийни мағлубиятга учратди. Бу билан ёш Шамсиддиннинг очколари 7тага етди ва у соф иккинчи ўринни эгаллади. Ярим очко кўп жамғарган Алексей Фёдоров А гуруҳи чемпионига айланди. Кучли учликка қўшимча кўрсаткичларга кўра бразилиялик халқаро гроссмейстер Александр Фиер якун ясади.  

Мусобақа ғолиб ва совриндорлари билан танишинг:

“А” гуруҳи

1-ўрин – Алексей Фёдоров (Беларусь),

2-ўрин – Шамсиддин Воҳидов (Ўзбекистон),

3-ўрин – Александр Фиер (Бразилия). 

“Аёллар ўртасидаги энг яхши кўрсатгич”

1-ўрин – Сарвиноз Қурбонбоева (Ўзбекистон),

2-ўрин – Нилуфар Ёқуббоева (Ўзбекистон),

3-ўрин – Ситора Сапарова (Ўзбекистон).

“20 ёшгача бўлган қизлар ўртасидаги энг яхши натижа”

Умида Омонова (Ўзбекистон).

“20 ёшгача бўлган ўсмирлар ўртасидаги энг яхши кўрсатгич”

1-ўрин – Валерий Казаковский (Беларусь),

2-ўрин – Абдумалик Абдусалимов (Ўзбекистон),

3-ўрин – Ортиқ Ниғматов (Ўзбекистон).

“Фахрийлар ўртасидаги энг яхши натижа”

Николай Мишучков (Россия), Хайрулло Тўраев (Ўзбекистон).

“Б” гуруҳи

1-ўрин – Сервер Абдураимов (Ўзбекистон),

2-ўрин – Авазбек Музаффаров (Ўзбекистон),

3-ўрин – Темур Шерназаров (Ўзбекистон).

“14 ёшгача бўлган ўсмирлар ўртасидаги энг яхши кўрсатгич”

Даврон Шарипов (Ўзбекистон)

“Аёллар ўртасидаги энг яхши кўрсатгич”

Мафтуна Бобомуродова (Ўзбекистон).