Тошкентда Тожикистон дзюдоси учун тарихий келишувга эришилди

Ушбу мусобақа доирасида Халқаро дзюдо федерацияси ва Тожикистон дзюдо федерацияси ўртасида бир қанча келишувларга эришилди. Маросимда Халқаро дзюдо федерацияси бош ғазначиси Нассер Ал Тамими, Тожикистон дзюдо федерацияси президенти Исмоил Маҳмадзоир иштирок этди. 

Унга кўра, шу йилнинг май ойида Тожикистон пойтахти Душанбе шаҳрида илк бор "Катта Дубулға" туркумига кирувчи мусобақа ўтказилади. Бу ҳақда аввалроқ маълум эди, аммо Тошкентда ушбу турнир бўйича расман келишув имзоланли. Бундан ташқари, Душанбе шаҳри октябрь ойида ёшлар ўртасидаги Жаҳон чемпионатига ҳам мезбонлик қиладиган бўлди.

Эслатиб ўтамиз, Тожикистоннинг Душанбе шаҳрида ўтган йили Гран-при туркумидаги турнир ўтказилган эди. Шу тариқа, Марказий Осиёнинг уч давлати - Ўзбекистон, Қозоғистон ва Тожикистонда "Катта Дубулға" мусобақалари ташкил этилади.