Тошкентда йиғин ўтказган Миср терма жамоаси Қоҳирага жўнаб кетди

Унда Ўзбекистон, Грузия, Миср, Қирғизистон ва Франция терма жамоалари иштирок этганди. Кеча тунда Миср терма жамоаси делегацияси бир ой давом этган йиғинни якунлаб, Қоҳирага жўнаб кетди. Тошкентдаги машғулотлар Африка чемпионатига тайёргарлик босқич вазифасини ўтаб берди. 

"Аввало, биз учун барча шароитларни муҳайё қилиб берган Ўзбекистон дзюдо федерацияга раҳмат айтмоқчиман. Ҳақиқатан ҳам, яратилган шароитлар юқори даражада бўлди. Фикримни жамоадошларим ҳам тасдиқлашади. Дунёнинг кўплаб давлатларида бўлганмиз, бу каби ўқув-машғулот йиғинларини ўтказганмиз. Лекин Тошкентдаги машғулотимиз шу кунгача ўтказганларимизнинг энг зўри бўлди. Бир ой давомида дунёнинг кучли дзюдочилари билан машғулот ўтказдик. Улар орасида Грузия ва Ўзбекистон терма жамоаларини алоҳида таъкидлаган бўлардим. Кучли дзюдочилар билан ўтказган машғулотларимиз Африка чемпионатида бизга ас қотади деган умиддаман. Биз яна Тошкентга қайтамиз. Ҳаммаси учун раҳмат!", - дейди Миср терма жамоаси етакчиси, жаҳон чемпионати совриндори, беш карра Африка чемпиони, Африка ўйинлари ғолиби Рамадан Дарвиш. 

Маълумот учун, Тошкентдаги йиғинда Миср терма жамоаси таркибида Муҳаммад Абделаал, Муҳаммад Абдулраҳмон, Аҳмад Абдулраҳмон, Али Ризқ, Хатем Абд Эл Ахер, Муҳаммад Моҳелдин, Аҳмад Элдесоуки, Али Элшоуни, Абдалла Абделсамиа ва Рамадан Дарвиш иштирок этди.