03 апр 09:30
Янгиликлар

Бокс/ММА

Трилогия бўлади! Порье - Макгрегор 3 жанги санаси маълум

Енгил вазн тоифасида собиқ вақтинчалик UFC чемпиони Дастин Порье икки вазнда собиқ ташкилот чемпиони Конор Макгрегорга қарши учинчи жанг шартномасига имзо чекди.

Трилогия 10 июль куни UFC 264 турнири доирасида бўлиб ўтади.

Ҳозирча Макгрегорнинг жанг шартномасига ўз имзосини қўйгани ҳақида аниқ хабар йўқ. Лекин шуниси аниқки, бу жангнинг ўтказилишини Порьедан кўра кўпроқ Конор хоҳлаган.

Эслатиб ўтамиз, илк жанг 2014 йилда ўтказилиб, унда ирландиялик биринчи раунднинг ўзида Дастинни нокаутга учратганди. Реванш шу йилнинг январида ўтказилди ва бу сафар Порье иккинчи раундда Конорни нокаут билан мағлуб этди.