"У кўргазмали жангни истаган эди". Пакьяо Мейвезер билан реванш музокаралари ҳақида гапирди

Аммо америкалик спортчи жангнинг кўргазмали характерда бўлишини талаб қилган. Айнан шу омил томонларнинг келишувга келишига узоқ вақт тўсқинлик қилган.

"У аввал кўргазмали жангни хоҳлаган эди, лекин мен рози бўлмадим. Мен ҳақиқий жангни истадим — худди аввалгиси каби.

Бу жангдан жуда хурсандман. Шундай бўлдики, мен ҳали ҳам фаолман, у эса фаолиятини якунлаб, яна қайтишга қарор қилди. 2015 йилги жангдан кўп нарса ўргандим. Ҳозир иккимиз ҳам анча улғайганмиз ва бу жангга қандай ёндашишни яхши тушунамиз. Умид қиламанки, бу сафар ҳеч қандай баҳоналар бўлмайди. Айниқса, жисмоний ҳолатим борасида. Мен жангга тайёрман", — деди Пакьяо ESPN телеканалидаги Sports Center дастурида.