Уч кундан кейин Тошкентда ўтказиладиган Octagon 72 турнири асосий жангларининг биридан маҳрум бўлди

Мусобақа доирасида таниқли аралаш яккакураш устамиз Муҳиддин Мамажонов қозоғистонлик Саят Абдуалига қарши жанг ўтказиши керак эди.

"11 май куни Octagon Лигада жангим бор эди. Лекин афсус, бекор бўлди. Сабаби, машғулотларда жароҳат олдим. Қўлимни синдириб олдим. Ҳаммадан узр сўрайман. Ўзим ҳам жуда кутаётгандим бу жангни. Афсус, биз ўйлаган нарса ҳар доим ҳам бўлавермас экан. Аллоҳнинг айтгани бўлади, бунга шубҳа қилмаганман. Худо хоҳласа, тез орада соғайиб, машғулотларни давом эттирамиз ва октагонга қайтамиз", дейди Мамажонов.

Энди Муҳидин Мамажоновнинг ўрнига бошқа бир ўзбек спортчиси Санжар Эркинов Саят Абдуали билан жанг қилади.