Учинчи кун баҳсларида барча боксчиларимиз ғалаба қозониб, ярим финалга йўл олди

Кун давомида 6 нафар боксчимиз жанг қилади.  Ушбу саҳифа орқали жанг натижалари билан танишиб боришингиз, шунингдек баҳсларни жонли эфирда томоша қилишингиз мумкин. 

САҲИФАНИ ЯНГИЛАШ

23:46: Ўзбекистон эркаклар терма жамоасининг барча ўн нафар боксчиси ярим финал йўлланмасини қўлга киритди. Қизларимиздан эса саккиз нафар ярим финалда жанг қилади. Бу дегани терма жамоамизнинг 20 нафар боксчисидан 18 тасида Осиё чемпионатининг медаллари бўлади. Олға янги Ўзбекистон чемпионлари

23:45: Дилшодбек Рўзметов рақибини нокаут қилди ва ярим финалга йўл олди

23:25. Оғир вазн тоифасида жаҳон чемпиони Баҳодир Жалолов илк жангини Тожикистон вакили Сиёвуш Зухуровга қарши ўтказиши лозим эди, бироқ рақиб жанг қилишдан бош тортди ва шу тариқа боксчимиз кейинги босқич йўлланмасини қўлга киритди

23:00: Қозоғистонлик жаҳон чемпиони Бекзат Нурдаулетов (-81 кг)  кутилмаганда эронлик боксчига ютқазиб қўйди ва мусобақадаги иштирокини якунлади. Ушбу вазнда бироздан сўнг Дилшодбек Рўзметов рингга кўтарилади.

22:14.  -75 кг вазнли боксчимиз Саиджамшид Жафаров мусобақадаги иккинчи жангини қирғизистонлик рақибга қарши ўтказди ва 5:0 ҳисобидаги ғалабага эришди.

21:17. -69 кг вазн тоифасидаги чарм қўлқоп устамиз Бобоусмон Батуров қирғизистонлик Рустамбек Нурадин Уулини катта устунлик билан 5:0 ҳисобида мағлубиятга учратди. 

20:41. Абдумалик Халаков иккинчи жангида тожикистонлик рақибни 5:0 ҳисобида мағлубиятга учратиб, ярим финалга йўл олди. 

20:35. Шиддатли ва муросасиз кечган баҳсда ҳамюртимиз ғалаба қозонди

20:04 Олимпия ва жаҳон чемпиони Шаҳобиддин Зоиров илк жангини ўтказди ва ғалаба қозонди

Унда 6 нафар боксчимиз рингга кўтарилади:

-52 кг: Шаҳобиддин Зоиров - Рамиш (Афғонистон) 5:0

-60 кг: Абдумалик Халаков - Абдураҳмон Ёқубов (Тожикистон) 5:0

-69 кг: Бобоусмон Батуров - Рустамбек Нурадин Уули (Қирғизистон) 5:0

-75 кг: Саиджамшид Жафаров - Бегжигит Омурбек Уулу (Қирғизистон) 5:0

-81 кг: Дилшодбек Рўзметов - Нассир Саид (Қатар)

+91 кг: Баҳодир Жалолов - Сиёвуш Зухуров (Тожикистон) +\-

Жанглар Тошкент вақти билан 19:00да бошланади.